管家王 ︳頭髮未乾瞓教蕎麥枕長出小蟲 港男換枕頭當解決：呢款唔會生【附濕頭瞓4大壞處】

枕頭太污糟隨時生蟲，一名港男近日分享自己因經常頭髮未乾睡覺，結果蕎麥枕長出一隻隻小蟲，丟棄後換了一款新枕頭，並形容未有再生蟲，不過網民紛紛提醒，頭髮濕入睡隨時頭痛面癱，且會引致多種健康問題，包括髮質受損、易有暗瘡等。

同場加映：
管家王 ︳淘寶傢俬甲醛常超標 除甲醛專家拆解3類傢俬高危

{{hket:ul-video id="6157"}}{{/hket:ul-video}}

近日一名港男在Facebook群組「淘寶開心share」發帖，形容「千金難買枕頭好」，指自己習慣臨睡前才沖涼洗頭，但有時因太睏，未吹乾頭髮就已入睡，早前發現自己頸部「起粒粒」，故心血來潮打開蕎麥枕查看，發現內裡有一隻隻小昆蟲，母親指是穀牛，或因他未吹乾頭髮就睡覺所致，

「蕎麥入面好多一隻隻嘅小昆蟲喺入面，立即影咗相畀我阿媽，佢話係穀牛，應該係我頭髮未乾就瞓覺引致，嚇到我即刻掉咗佢，以後唔夠膽再買蕎麥枕了。」

購入軟管枕頭 聲稱吸濕透氣

港男丟棄舊枕頭後，從淘寶購入一款「軟管枕頭」，標榜枕心採用PE填充物，吸濕透氣，售價由210至370元人民幣（約244至430港元），聲言自從換新枕頭後，就算洗頭後未吹乾頭髮就入睡，也未有再現昆蟲，

「終於在淘寶畀我搵到呢款就算頭髮濕都唔會生穀牛嘅軟管枕頭。唯一美中不足是，當我想左右上下移動軟管要多少時唔方便，每個位置開口太小了。」

網民：吹頭後才睡！

帖文引起熱議，不少網民指自己也曾遇過枕頭生蟲問題，「我喺北海道買過薰衣草枕頭，6個月之後打開裡面有好多小小昆蟲，嚇死」、「其實所有用天然植物填料都會有蟲蟲問題」；不過有更多網民將重點放在事主未吹頭就睡覺上，「頭髮未吹乾，小心頭痛好難醫」、「改咗壞習慣先啦，吹乾頭髮至好瞓」、「建議樓主吹乾頭先瞓，因為濕頭瞓會中風」、「問題不是在枕頭，而係冇吹乾個頭」。

濕髮睡覺4大壞處

不少人會貪方便濕髮睡覺，不過其實濕髮睡覺對頭髮、皮膚和頭部等都有不良影響，嚴重甚至導致面癱：

1. 枕頭易藏菌致暗瘡

枕頭本來就容易滋生細菌，導致提高患上呼吸道及皮膚疾病的風險，包括暗瘡問題。有研究曾指出，一個枕頭平均有超過35萬潛在的活躍細菌，而皮膚科醫生Dr. David E. Bank提醒，濕髮睡覺時，頭髮的水分更會滋養枕頭細菌，如面部常接觸污糟的枕頭，容易把灰塵油脂轉移面上，引發毛孔和暗瘡問題。

2. 損害髮質

賓夕法尼亞大學佩雷爾曼醫學院皮膚病學的George Cotsarelis教授指，水會破壞頭髮的角質層，一旦角質層破裂，頭髮就會變得乾燥，而且失去光澤和彈性。所以洗頭後應先將頭皮吹乾，再轉成弱風慢慢將頭髮吹至全乾，最後用冷風降溫及定型，保持頭髮順直漂亮。

3. 易致頭痛

如果未吹乾頭髮就上床睡覺，起床時有可能會感到頭痛。有神經內科醫生指，水分會降低人體溫度，影響大腦血液循環，繼而出現頭暈、頭痛、噁心的症狀。

4. 易患傷風感冒

洗頭後頭部會有大量水分蒸發，同時帶走體內熱量，使上呼吸道毛細血管收縮，局部血流量减少，細菌和病毒可能乘虛而入，造成上呼吸道感染，出現流涕、鼻塞、發燒等感冒症狀。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】